07.10.2026 | 09:30
ՀՀ տարածքում ավտոճանապարհներն անցանելի են
Նիկոլ Փաշինյանն ու Վլադիմիր Պուտինը հեռախոսազրույց են ունեցել
Քաղաքականություն
24.08.2022 | 11:49
Հայկական կողմի նախաձեռնությամբ տեղի է ունեցել ՌԴ նախագահ Վլադիմիր Պուտինի և ՀՀ վարչապետ Նիկոլ Փաշինյանի հեռախոսազրույցը։ Այս մասին հայտնում է Կրեմլի պաշտոնական կայքէջը։
ՌԴ նախագահի մամուլի ծառայության տարածած հաղորդագրության մեջ ասվում է․
«Շարունակվել է Լեռնային Ղարաբաղի շուրջ ստեղծված իրավիճակի քննարկումը։ Վերահաստատվել է Ռուսաստանի, Հայաստանի և Ադրբեջանի ղեկավարների միջև 2020 թվականի նոյեմբերի 9-ի, հունվարի 11-ի և 2021 թվականի նոյեմբերի 26-ի եռակողմ պայմանավորվածությունների հետևողական իրականացման կարևորությունը։ Միաժամանակ նշվել է ռուսական խաղաղապահ զորակազմի դերատարությունը տարածաշրջանում կայունության ապահովման գործում։
Անդրադարձ է կատարվել Ռուսաստանի և Հայաստանի միջև ռազմավարական գործընկերության և դաշնակցային հարաբերությունների հետագա զարգացման որոշ արդիական հարցերի»։
Հայկական կողմը հեռախոսազրույցի մասին պաշտոնական հաղորդագրություն առայժմ չի տարածել։
Տաթև Ֆռանգյան
