28.06.2026 | 05:30
ԱԱ-2026. Պորտուգալիան չհաղթեց Կոլումբիային ու փլեյ-օֆֆ դուրս եկավ երկրորդ տեղով. ՏԵՍԱՆՅՈՒԹ
Մենք անընդհատ հպարտանում ենք հնով, բա հիմա՞ ինչ ենք անում. ապաքաղաքական զրույց Վահագն Հայրապետյանի հետ. ՏԵՍԱՆՅՈՒԹ
Հաղորդաշարեր
20.08.2022 | 21:02
Factor TV-ի A-politic հաղորդաշարի հյուրն է ջազային դաշնակահար և կոմպոզիտոր Վահագն Հայրապետյանը: Նրա կարծիքով՝ երաժշտության տարբեր ուղղությունների և ժանրերի միջև սահմանագծերը պայմանական են: Ժողովրդական, աշուղական, ակադեմիական երաժշտությունը և ջազն իրար հետ փոխկապակցված են, հաճախ մեկը մյուսի շարունակությունն են: Այդ համատեքստում նա մեկնաբանում է Սպիտակցի Հայկոյի հետ իր համատեղ համերգի նախագիծը: Ըստ նրա՝ կարևոր է ոչ թե երաժշտական ուղղությունը, այլ դրա մատուցման ձևը:
Երաժիշտը համոզված է, որ «սվինգը»՝ տատանումը, ճոճքը, հատուկ է ոչ միայն ջազային երաժշտությանը: Բախի արվեստում նույնպես, նրա կարծիքով, «սվինգ» կա: Ավելին՝ դա վերաբերում է ոչ միայն երաժշտությանը, այլև կյանքի բոլոր երևույթներին՝ երկու մարդու զրույցից մինչև մոլորակների պտույտը:
Հաղորդման հյուրի կարծիքով՝ ջազը վաղուց արդեն հեռացել է իր աֆրոամերիկյան արմատներից, և ամեն մի ազգ, նաև՝ հայերը, այդ արվեստի մեջ ներմուծում են իրենց ազգային մշակույթի տարրերը: Չնայած դրան՝ կան որոշակի կանոններ, որոնք ստեղծում են ջազային կառուցվածքը: Բայց, մյուս կողմից, դրանք չպիտի կաղապարեն կատարողներին:
Վահագն Հայրապետյանի պնդմամբ՝ ջազը հնարավոր չէ պատկերացնել առանց որոշակի խաղարկային պահի, առանց հումորի, կատակի: Նույնիսկ լուրջ, թախծոտ ջազային երաժշտության մեջ կա որոշակի ռիթմ, որոշակի բաբախում, որի հիմքում լավատեսությունն է: Պատահական չէ, որ աֆրոամերիկացիների մոտ անգամ թաղման ծեսը, մեր չափանիշներով՝ ուրախ երաժշտությամբ է անցնում։
Մանրամասները՝ տեսանյութում:
