13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքիան Սաուդյան Արաբիայից 20 մլրդ դոլարի դեպոզիտ է ակնկալում․ ԶԼՄ-ներ
Քաղաքականություն
10.08.2022 | 23:30
Թուրքիան 20 մլրդ դոլարի դեպոզիտ է ցանկանում ստանալ Սաուդյան Արաբիայից՝ արտարժույթային պահուստներն ուժեղացնելու համար, գրում է Middle East Eye-ը։
Թուրքական Dunya թերթը, վկայակոչելով իր աղբյուրներին, հայտնում է, որ սպասվում է, որ Սաուդյան Արաբիան նախնական 10 մլրդ դոլար է ներդնելու Թուրքիայի գանձապետական պարտատոմսերում և հաշիվներում։ Թուրքական գանձապետական աղբյուրներից մեկն էլ Middle East Eye-ին հաստատել է, որ տեխնիկական բանակցություններ են ընթանում՝ Սաուդյան Արաբիայից 20 միլիարդ դոլար ստանալու համար:
Հիշեցնենք, որ դեռ հունիսին Սաուդյան Արաբիայի թագաժառանգ արքայազն Մոհամմեդ բին Սալմանն այցելել էր Անկարա՝ վերջ տալով Թուրքիայի նախագահ Ռեջեփ Թայիփ Էրդողանի հետ չորս տարվա տարաձայնությանը։ Հավելենք, որ այս այցը կայացավ այն բանից հետո, երբ Անկարան դադարեցրեց դատական գործը, որով որպես մեղադրյալներ անցնում էին լրագրող Ջամալ Խաշոգջիի սպանության մեջ կասկածվող սաուդցի գործակալները:
Ի դեպ, Թուրքիայի ֆինանսների նախարար Նուրեդդին Նեբաթին այս ամիս վաղ հայտարարել էր, որ Թուրքիային անհրաժեշտ է 30-35 մլրդ դոլար՝ ընթացիկ հաշվի դեֆիցիտը ֆինանսավորելու համար, որը մեծացել է էներգակիրների գների աճի պատճառով: Նա նշել էր, որ Թուրքիան փնտրում է օգնություն մոտակա երկրներից, ինչպիսիք են Ռուսաստանն ու Սաուդյան Արաբիան։
Էմմա Չոբանյան
