20.06.2026 | 19:17
Արագածի մոտ 3000 մետր բարձրության վրա դեռ ունենք մոտ 2-3 մետրի հասնող ձնաշերտեր․ Սուրենյան
Հայկ Խանումյանը Աղավնոյի, Ներքին Սուսի և Բերձորի բնակչության հետ քննարկել է առաջիկա տարհանման հարցերը
05.08.2022 | 19:28
Արցախի Հանրապետության տարածքային կառավարման և ենթակառուցվածնքերի նախարարությունը հաղորդագրություն է տարածել՝ ըստ որի այսօր՝ օգոստոսի 5-ին, նախարար Հայկ Խանումյանը քաղաքացիական պաշտպանության պլանի համաձայն՝ Քաշաթաղի շրջանի իշխանության ներկայացուցիչների և տեղի բնակչության հետ քննարկել է առաջիկա տարհանման հարցերը:
Հաղորդագրության մեջ նշված է. «Քաշաթաղի շրջանի Աղավնո գյուղում ԱՀ ՏԿԵ նախարար Հայկ Խանումյանը տեղի բնակչության, համայնքի և շրջանի իշխանության ներկայացուցիչների հետ միասին քննարկել է Աղավնոյի, Ներքին Սուսի և Բերձորի բնակչության՝ մինչև սույն թվականի օգոստոսի 25-ը տարհանման հարցերը` համաձայն քաղաքացիական պաշտպանության պլանի»։
Ավելի վաղ Աղավնոյի համայնքապետ Անդրանիկ Չավուշյանը Factor.am-ի հետ զրույցում ասել էր, որ ԱՀ տարածքային կառավարման և ենթակառուցվածքների նախարար Հայկ Խանումյանը բնակիչներին զգուշացրել է, որ մինչև օգոստոսի 25-ը պետք է լքեն Աղավնոն։
