10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ստամբուլում բացվել է ուկրաինական «հացահատիկային միջանցքի» համակարգման կենտրոնը
Քաղաքականություն
27.07.2022 | 16:49
Ստամբուլում տեղի է ունեցել Համատեղ համակարգող կենտրոնի բացման արարողությունը, որը ստեղծվել է Ուկրաինայի նավահանգիստներից հացահատիկի անվտանգ փոխադրման համար, գրում է Անադոլու գործակալությունը։
Բացման արարողությանը մասնակցել ու ելույթով է հանդես եկել Թուրքիայի ՊՆ ղեկավար Հուլուսի Աքարը։ Նա նշել , որ Ռուսաստանին և Ուկրաինային բաժին է ընկնում աշխարհում հացահատիկի մատակարարումների մեկ երրորդը։
«Կենտրոնի նպատակն է ապահովել Ուկրաինայից հացահատիկի տեղափոխումն ու բաշխումը։ Նավերի շարժը կվերահսկվի, և ամբողջ գործընթացը կհամակարգվի ՄԱԿ-ի և համաձայնագրերի մյուս կողմերի կողմից»,- ասել է Աքարը։ Նա հավելել է, որ ականային սպառնալիքի վերացման հարցը կլուծվի բոլոր կողմերի համագործակցությամբ։
Հիշեցնենք,որ ուկրաինական հացահատիկի արտահանման մասին համաձայնագիրը կնքվել էր Ստամբուլում հուլիսի 22-ի Թուրքիայի, ՌԴ-ի, Ուկրաինայի ու ՄԱԿ-ի միջև։
Էմմա Չոբանյան
