09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Եվրատեսիլ 2023»-ը կանցկացվի Մեծ Բրիտանիայում
Քաղաքականություն
25.07.2022 | 21:16
Եվրոպական հեռարձակողների միությունը (EBU) և բրիտանական BBC հեռուստաընկերությունը հաստատել են, որ 2023 թվականին «Եվրատեսիլ» երգի միջազգային մրցույթը կանցկացվի Մեծ Բրիտանիայում այս տարվա հաղթող հեռարձակողի՝ Ուկրաինայի ազգային հանրային հեռարձակման ընկերության UA․PBC-ի անունից:
Մրցույթի կազմակերպիչը կլինի BBC-ն։ Այս մասին ասված է EBU-ի հայտարարության մեջ, որը հրապարակվել է երկուշաբթի՝ հուլիսի 25-ին։
«Եվրատեսիլը» պետք է հյուրընկալեր Ուկրաինան, որի ներկայացուցիչ Կալուշ խումբը այս տարի մրցույթում գրավել էր առաջին տեղը։ Այնուամենայնիվ, EBU-ն որոշել է մրցույթն անցկացնել Մեծ Բրիտանիա, որի ներկայացուցիչ Սեմ Ռայդերը երկրորդ տեղն էր զբաղեցրել։
Ուկրաինան 2023 թվականի «Եվրատեսիլ» երգի մրցույթն իր տարածքում չի կարողանա անցկացնել անվտանգության նկատառումներից ելնելով, նշել է EBU-ն իր հայտարարության մեջ։ Չնայած դրան Ուկրաինան ավտոմատ կերպով կմասնակցի «Եվրատեսիլ 2023»-ի եզրափակչին «Մեծ հնգյակի» հետ միասին, որը ներառում է մրցույթում ամենամեծ ֆինանսական ներդրումը կատարող երկրները՝ Ֆրանսիան, Գերմանիան, Իտալիան, Իսպանիան և Միացյալ Թագավորությունը: Այս շաբաթ կսկսվի 2023 թվականի Եվրատեսիլ երգի մրցույթի անցկացման համար բրիտանական քաղաքների հայտերի հավաքագրումը։
Տաթև Ֆռանգյան
