26.11.2024 | 10:25
Ալիևը զանգահարել է Դոնալդ Թրամփին
Չինաստանը չի բացառել ռազմական պատասխանը, եթե Փելոսին մեկնի Թայվան․ FT
Քաղաքականություն
25.07.2022 | 18:09
Չինաստանը ԱՄՆ նախագահ Ջո Բայդենի վարչակազմին լուրջ նախազգուշացումներ է ուղարկել՝ կապված Ներկայացուցիչների պալատի խոսնակ Նենսի Փելոսիի Թայվան կատարելիք այցի հետ։ Այս մասին հայտնում է Financial Times-ը (FT)՝։
Չինաստանը հրապարակայնորեն սպառնացել է «վճռական քայլերով», եթե Փելոսին կատարի օգոստոսին նախատեսված այցը։ Աղբյուրներից մեկը հայտնել է, որ Չինաստանը «ավելի ուժեղ հակազդեցություն» է ցուցաբերել, քան նախկինում: Իրավիճակին ծանոթ մի քանի այլ անձինք հայտնել են, որ մասնավոր հայտարարություններն ավելի հեռուն են գնացել՝ ենթադրելով հնարավոր ռազմական պատասխան»,- ասվում է հրապարակման մեջ:
Թերթի զրուցակիցներից մի քանիսը նշել են, որ Սպիտակ տունը փորձում է պարզել՝ արդյոք Չինաստանը լուրջ է սպառնալիքներ է ներկայացնում, թե Պեկինն այնուամենայնիվ «պատերազմի եզրին կանգնած հավասարակշռություն է պահում», որպեսզի ճնշում գործադրի ամերիկացի քաղաքական գործչի վրա՝ ուղևորությունը չեղարկելու համար։
Հուլիսի 19-ին Global Times չինական հրատարակությունը գրել էր Պեկինի հնարավոր արձագանքի մասին՝ պալատի խոսնակի՝ Թայվան այցելության դեպքում: ԱՄՆ նախագահ Ջո Բայդենն էլ հայտարարել էր, որ Պենտագոնը բացասաբար է վերաբերվում Փելոսիի՝ Թայվան գնալու ծրագրերին։
Տաթև Ֆռանգյան
