26.11.2024 | 10:25
Ալիևը զանգահարել է Դոնալդ Թրամփին
Մյանմայում վերջին տասնամյակների ընթացքում առաջին անգամ դիմել են պատժի ամենախիստ միջոցին
Քաղաքականություն
25.07.2022 | 18:43
Մյանմայի զինված ուժերը մահապատժի են ենթարկել չորս դեմոկրատական ակտիվիստների,․ սա վերջին տասնամյակների ընթացքում երկրում մահապատժի կիրառման առաջին դեպքն է:
Մահապատժի ենթարկվածներից երկուսը բավականին հայտնի են այդ երկրում՝ Մյանմայի խորհրդարանի նախկին պատգամավոր 41-ամյա Ֆիո Զեյա Տուն, որ ճանաչված է որպես հիփ-հոփ երգիչ և 53-ամյա գրող և ակտիվիստ Կյաու Մին Յուն, որ ավելի հայտնի է Կո Ջիմի անունով։ Մահապատժի ենթարկված մյուս երկու անձինք են Հլա Մյո Աունն ու Աուն Թուրա Զաուն, գրում է Reuters-ը։ Նրանց բոլորին մեղադրել են «ահաբեկչական գործողությունների» իրականացմանը նպաստելու մեջ։ Սրանք առաջին մահապատիժներն էին 1980-ականներից ի վեր։ Հիշեցնենք ՝ 2021 թվականի փետրվարին տեղի ունեցած ռազմական հեղաշրջմամբ խունտան տապալեց Ժողովրդավարության ազգային լիգայի դեմոկրատական ճանապարհով ընտրված կառավարությունը՝ Աուն Սան Սու Չժիի գլխավորությամբ: Նա այս պահին ազատազրկման մեջ է։
Տաթև Ֆռանգյան
