20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Ճապոնիայում հրաբուխ է ժայթքել. ՏԵՍԱՆՅՈՒԹ
Քաղաքականություն
24.07.2022 | 18:18
Ճապոնիայի Կյուսյու կղզում տեղի է ունեցել Սակուրաջիմա հրաբխի ժայթքումը, տարածաշրջանում վտանգի մակարդակը բարձրացվել է մինչև առավելագույն 5-րդը, «ՌԻԱ Նովոստի»-ի փոխանցմամբ՝ հաղորդում Է Ճապոնիայի գլխավոր օդերևութաբանական գործակալությունը:
Ժայթքումը գրանցվել է տեղական ժամանակով 20.05-ին (Երևանի ժամանակով ժամը 15.05-ին)։ Մոխրի և ծխի սյունը 2,5 կիլոմետր բարձրության է հասնում: Օդերևութաբանները նախազգուշացնում են խոշոր հրաբխային քարերի անկման վտանգի մասին՝ խառնարանից 3 կիլոմետր շառավղով, որտեղ գտնվում են, մասնավորապես, Կագոսիմա քաղաքի Արիմուրա և Ֆուրուսատո շրջանները:
Այդ կապակցությամբ Կագոսիմա քաղաքի համար վտանգի մակարդակը բարձրացվել է մինչև առավելագույն 5-րդը, ինչը ենթադրում է տարհանում նշված գոտիներից:
Ճապոնիայի վարչապետ Ֆումիո Կիսիդան կարգադրել է միջոցներ ձեռնարկել հրաբխի ժայթքումից հետո տեղեկություններ հավաքելու և վերլուծելու, ինչպես նաեւ մարդկանց պաշտպանելու համար:
