19.08.2026 | 17:38
Ֆերան Տորեսը «Բարսելոնայի» 5-րդ ամենաթանկ վաճառքն է. ՏԵՍԱՆՅՈՒԹ
Էրդողանը հայտարարել է, որ Սև ծովով հացահատիկի փոխադրումը կսկսվի առաջիկա օրերին
Քաղաքականություն
23.07.2022 | 18:18
Թուրքիայի նախագահ Ռեջեփ Թայիփ Էրդողանը շաբաթ օրը հայտարարել է, որ մոտ օրերս կսկսվի հացահատիկի տեղափոխումը Սև ծովով։
«Առաջիկա օրերին հացահատիկի փոխադրման մեկնարկով մենք կարևոր ներդրում կունենանք համաշխարհային պարենային ճգնաժամի հաղթահարման գործում»,- ասել է Էրդողանը՝ ելույթ ունենալով Կայսերի քաղաքում արդյունաբերական նախագծերի մեկնարկի արարողության ժամանակ։ Նրա ելույթը ցուցադրել է ТНТ ալիքը։
Էրդողանի խոսքերով՝ Թուրքիան կշարունակի դիվանագիտական ջանքեր գործադրել ուկրաինական ճգնաժամը կարգավորելու համար։
Հիշեցնենք, որ Ստամբուլում ստորագրվել է ցորենի անվտանգ արտահանման մասին համաձայնագիրը: Ուկրաինան ՄԱԿ-ի ու Թուրքիայի հետ ստորագրել է հացահատիկային համաձայնագրի՝ իրեն վերաբերող մասը։
Ռուսաստանն ու Ուկրաինան երկկողմ փաստաթուղթ չեն ստորագրել: Նրանցից յուրաքանչյուրն այն ստորագրել է Թուրքիայի և ՄԱԿ-ի հետ: Այս փաստաթուղթը թույլ կտա ուկրաինական նավահանգիստներից համաշխարհային շուկաներ արտահանել 25 մլն տոննա ցորեն:
