ՃՏՊ-ներ Հայաստանում․ ոստիկանությունը եռօրյա ամփոփում է ներկայացրել

Հուլիսի 21-ին, ժամը 20.34-ին, Երևանի Վարդանանց փողոցում իրար են բախվել «Հայասա» մոտոցիկլետը և «Շեվրոլե» մակնիշի մեքենան, այնուհետև «Շեվրոլեն» բախվել է կայանված «ԲՄՎ»-ին: Մոտոցիկլավարը մարմնական վնասվածքներով տեղափոխվել է հիվանդանոց:
Կատարվում է քննություն․ տեղեկացնում են ՀՀ ոստիկանությունից։

***

Հուլիսի 21-ին, ժամը 18.15-ին, «Օպել» մակնիշի մեքենայի վարորդը Երևանի Մանթաշյան փողոցում վրաերթի է ենթարկել 19-ամյա երիտասարդի, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հուլիսի 21-ին, ժամը 21.10-ին, շտապօգնության խումբը մարմնական վնասվածքներով հիվանդանոց է տեղափոխել 22-ամյա երիտասարդի, որը հայտնել է, որ վնասվածքները ստացել է Զավարյան փողոցում տեղի ունեցած ավտովթարի հետևանքով:
Կատարվում է քննություն:

***

Հուլիսի 22-ին, ժամը 07.25-ին, «Մազդա» մակնիշի մեքենան Իսակովի պողոտայում բախվել է էլեկտրասյանը. վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հուլիսի 22-ին, ժամը 11.30-ին, Ծիծեռնակաբերդի խճուղում մոպեդը բախվել է ճամփեզրի արգելապատնեշին. մոպեդավարը մարմնական վնասվածքներով տեղափոխվել է հիվանդանոց:
Կատարվում է քննություն:

***

Հուլիսի 22-ին, ժամը 17.00-ի սահմաններում, «Օպել» մակնիշի մեքենան Սևան-Մարտունի-Գետափ ճանապարհի 20-րդ կմ-ին դուրս է եկել երթևեկելի գոտուց և բախվել ծառերին. 8 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Հուլիսի 22-ին, ժամը 19.00-ի սահմաններում, Լոռու մարզի Գարգառ գյուղում իրար են բախվել «Ֆոլքսվագեն» և «ՎԱԶ-21010» մակնիշի մեքենաներ. վերջինիս վարորդը և 2 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Հուլիսի 23-ին, ժամը 00.30-ի սահմաններում, Տաշիր քաղաքի Երևանյան փողոցում «ԱՈՒԴԻ» մակնիշի մեքենան դուրս է եկել հանդիպակաց երթևեկելի գոտի և բախվել կայանված «ՖՈՐԴ ՏՐԱՆԶԻՏ»-ին, որի 7 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:

***

Հուլիսի 22-ին, ժամը 23.20-ին, հիվանդանոցից ոստիկանություն հաղորդում է ստացվել, որ ողի կոտրվածքով բուժօգնության է դիմել 36-ամյա տղամարդ: Պարզվել է, որ ժամը 21.00-ի սահմաններում 36-ամյա տղամարդու վարած «Տոյոտա Քեմրի» մակնիշի մեքենան Երևան-Մեղրի ճանապարհի 200-րդ կմ-ին դուրս է եկել երթևեկելի հատվածից և գլորվել, ինչի հետևանքով վարորդը մարմնական վնասվածք է ստացել:
Կատարվում է քննություն:

***

Հուլիսի 22-ին, ժամը 20.00-ի սահմաններում, Երևան-Մեղրի ճանապարհի 102-րդ կմ-ին իրար են բախվել «Հյունդաի» և «Լեքսուս» մակնիշի մեքենաներ, ինչի հետևանքով «Լեքսուսի» 3 ուղևորները, «Հյունդաիի» վարորդը և ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:

***

Հուլիսի 23-ին, ժամը 01.00-ի սահմաններում, «ՎԱԶ-21013» մակնիշի մեքենան Մայիսյան կամուրջ-Նոյեմբերյան ճանապարհի 1-ին կմ-ին դուրս է եկել երթևեկելի գոտուց և գլորվել ձորը. 23-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: