09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
Ստամբուլում այսօր սպասվում է «հացահատիկի հարցով» փաստաթղթի ստորագրում
Քաղաքականություն
22.07.2022 | 12:29
«Հացահատիկի հարցի» վերաբերյալ փաստաթուղթը կստորագրվի ուրբաթ օրը Ստամբուլում, արարողությանը կմասնակցեն Թուրքիայի նախագահ Թայիփ Էրդողանը և ՄԱԿ-ի գլխավոր քարտուղար Անտոնիո Գուտերեշը։ Այս մասի ՌԻԱ Նովոստիին հայտնել են Թուրքիայի նախագահի աշխատակազմում։ Արարողությունը կկայանա տեղական ժամանակով 16:30-ին Դոլմաբահչեի գրասենյակում։
Հիշեցնենք, որ ավելի վաղ Թուրքիայի, Ռուսաստանի, Ուկրաինայի և ՄԱԿ-ի ռազմական պատվիրակությունները բանակցություններ էին վարել հացահատիկային հարցի կարգավորման շուրջ: Արդյունքում կողմերին հաջողվել էր պայմանավորվել Ստամբուլում համակարգող կենտրոն ստեղծելու մասին։
Թեհրանում էլ Իրանի և Թուրքիայի ղեկավարների հետ բանակցություններից հետո ՌԴ նախագահն ասել է, որ ուկրաինական հացահատիկի արտահանումը ապաարգելափակելու համար Արևմուտքը պետք է մեղմացնի Ռուսաստանի դեմ պատժամիջոցները։ Պուտինը հայտարարել էր, որ ՌԴ-ն կնպաստի ուկրաինական հացահատիկի արտահանմանը, եթե բոլոր սահմանափակումները, որոնք կապված են ռուսական հացահատիկի հնարավոր արտահանման հետ, չեղարկվեն։
Տաթև Ֆռանգյան
