16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
3 մլրդ 107 մլն դրամ` Քոչարյանի ընտանիքին պատկանող ընկերությանը. պարեկային ծառայության համար մեքենաներ կգնվեն․ ՏԵՍԱՆՅՈՒԹ
Տնտեսություն
21.07.2022 | 12:07
Կառավարության նիտում որոշում կայացվեց չորս մարզում նոր ձևավորվող պարեկային ծառայության ստորաբաժանումների համար 175 ավտոտրանսպորտային միջոց ձեռք բերելու նպատակով հատկացնել 3 մլրդ 107 մլն դրամ:
Ոստիկանության պետ Վահե Ղազարյանը նշեց, որ Արագածոտնի, Գեղարքունիքի, Կոտայքի և Տավուշի մարզերում նոր ձևավորվող պարեկային ծառայության ստորաբաժանումների համար ավտոտրանսպորտային միջոցներ ձեռք բերելու համար դեռևս ընթացիկ տարվա մայիսի 23-ին հայտարարվել է ոստիկանական ավտոմեքենաների ձեռքբերման գնման մրցութային ընթացակարգ, սակայն մասնակից չլինելու պատճառով ընթացակարգը հայտարարվել է չկայացած:
Այնուհետև հանրահայտ ավտոապրանքանիշների հայաստանյան բոլոր պաշտոնական ներկայացուցչին կատարված հարցումներով պարզվել է, որ հայտարարված տեխնիկական բնութագրով, քանակով՝ 175 միավոր և մինչև նոյեմբերի 15-ը ավտոտրանսպորտային միջոց մատակարարելու պարտավորություն կարող է ստանձնել «Տոյոտա Երևան» ՍՊԸ-ն՝ հնարավոր սեղմ ժամկետում նախատեսվող գումարն ամբողջությամբ կանխավճարային եղանակով հատկացնելու դեպքում, իսկ մյուսները հրաժարվել են:
Այսպիսով բանակցությունների արդյունքում ձեռք բերված փոխհամաձայնությամբ նախատեսվում է մատակարարել Toyota Fortuner մակնիշի 45 միավոր մեխանիկական և 130 միավոր ավտոմատ տուփով ավտոտրանսպորտային միջոց, համապատասխանաբար, ըստ տեսակների, 15 միլիոն 900 հազար դրամ և 18 միլիոն 400 հազար դրամ գնման գներով։
«Որոշման նախագծով նախատեսվում է վերը նշված 4 մարզում նոր ձևավորվող պարեկային ծառայության ստորաբաժանումների համար ձեռք բերել 175 ավտոտրանսպորտային միջոց, նշված գնման գների հաշվարկով հատկացնելով 3 մլրդ 107 մլն 5 հարյուր հազար դրամ, ներառյալ հարկերն ու այլ պարտադիր վճարները»,- նշեց Ղազարյանը:
Մանրամասները՝ տեսանյութում:
