15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Սերգեյ Լավրովը հայտարարել է «հատուկ գործողության» աշխարհագրության փոխվելու մասին
Քաղաքականություն
20.07.2022 | 19:11
Ռուսաստանի արտաքին գործերի նախարար Սերգեյ Լավրովը հայտարարել է, որ «հատուկ գործողության» աշխարհագրական նպատակները փոխվել են, գրում է DW-ի ռուսական ծառայությունը։
«Երբ Ստամբուլում բանակցողների հանդիպում էր, այդ ժամանակ աշխարհագրությունն այլ էր, և ուկրաինական կողմի առաջարկն ընդունելու մեր պատրաստակամությունը հիմնված էր այդ աշխարհագրության վրա՝ 2022 թվականի մարտի վերջի աշխարհագրության վրա», – ասել է Լավրովը։
Նրա խոսքով՝ այժմ աշխարհագրությունն այլ է՝ ոչ միայն ինքնահռչակ Դոնեցկի ու Լուգանսկի ժողովրդական հանրապետություններն են, այլև Խերսոնի շրջանը, Զապորոժիեի մարզը և «մի շարք այլ տարածքներ»։
«Գործընթացը շարունակվում է, և շարունակվում է հետևողականորեն ու համառորեն»,- հայտարարել է նա։
Տաթև Ֆռանգյան
