20.06.2026 | 23:35
ԱԱ-2026. Նիդերլանդները 5 գոլ խփեց Շվեդիային. ՏԵՍԱՆՅՈՒԹ
ԱՄՆ դեսպանությունը պարզաբանում է հրապարակել՝ կամավորների հավաքագրման հայտարարության առնչությամբ
Քաղաքականություն
20.07.2022 | 14:48
ՀՀ-ում ԱՄՆ դեսպանությունը պարզաբանում է տարածել՝ կապված դեսպանության կայքում տեղադրված մի հաղորդագրության հետ, ըստ որի՝ դեսպանությունը կամավորների է հավաքագրում ԱՄՆ քաղաքացիների տարհանելու համար։
Պարզաբանումը ստորև․
«Օրերս ՀՀ-ում ԱՄՆ դեսպանության կայքում տեղադրվել էր «Հաղորդագրություն ԱՄՆ քաղաքացիների համար» վերտառությամբ հրապարակումը, որով դեսպանությունը փնտրում էր համայնքի հետ կապի կամավորներ ։
Ամբողջ աշխարհում ԱՄՆ դեսպանությունները պարբերաբար հավաքագրում են համայնքի հետ կապի կամավորների, որոնք օգնում են տեղեկությունների փոխանցման և այլ երկրում բնակվող կամ ճանապարհորդող ԱՄՆ քաղաքացիներին անհրաժեշտ աջակցություն ցուցաբերելու հարցում։ Սա հյուպատոսական ծառայությունների առօրյա աշխատանքի մաս է»։
Նշենք, որ Հայաստանում ԱՄՆ դեսպանատունը հայտարարել էր, որ կամավորների է հավաքագրում արտակարգ իրավիճակներում ԱՄՆ քաղաքացիներին հայտնաբերելու, տարհանելու ու վնասվածքների մասին հաղորդումներ տալու համար։
Դիվանագիտական առաքելությունը հայտնել էր, որ կամավորները կարող են ներգրավվել ԱՄՆ-ի` անհետ կորած քաղաքացիներին փնտրելու, ինչպես նաև բանտում կամ հիվանդանոցում գտնվողներին այցելելու համար:
Նշվել էր, որ դեսպանատունը կամավորներ է փնտրում ինչպես Երևանի վարչական շրջաններում, այնպես էլ ՀՀ բոլոր մարզերում։
