20.11.2024 | 17:31
Պահանջում ենք դադարեցնել Ադրբեջանի դեմ քայլերը․ Բաքուն իր հերթին է Ֆրանսիայի դեսպանին կանչել ԱԳՆ
Անկարան մտադիր չէ հետ կանգնել Սիրիայում նոր ռազմական գործողություն սկսելու մտքից
Քաղաքականություն
20.07.2022 | 11:55
Թուրքիայի նախագահ Ռեջեփ Թայիփ Էրդողանը նախօրեին Աստանայի ձևաչափով ՌԴ-ի ու Իրանի նախագահների հետ գագաթնաժողովում հայտարարել է, որ Անկարան լի է վճռակաությամբ «Սիրիայից վտարելու չարիքի կենտրոնները», գրում է Անադոլու գործակալությունը։ Նա նշել է, որ սիրիական Թել-Ռիֆատի ու Մանբիջի շրջանները վերածվել են «ահաբեկիչների նավահանգստի» և ժամանակն է եկել «ահանբեկիչներից մաքրելու»։
Փաստացի Էրդողանն արձանագրում է, որ Թուրքիան չի պատրաստվում հրաժարվել քրդերի դեմ Սիրիայում նոր ռազմական գործողութուն սկսելուց։ «Աստանայի պլատֆորմը միակ նախաձեռնությունն է, որը կարող է արդյունավետ լուծումներ մշակել և կոնկրետ քայլեր ձեռնարկել դրանց իրականացման համար։ Ահաբեկչական կազմակերպությունների դեմ մեր պայքարը միշտ կշարունակվի՝ անկախ նրանից, թե որտեղ և ով է աջակցում նրանց»,- ասել է Թուրքիայի նախագահը՝ հավելելով, որ Անկարան ՌԴ-ից ու Իրանից օգնություն է ակնկալում ահաբեկիչներին հակազդելու համար։
«Մեր հանդիպումների ընթացքում մենք վերանայել ենք նաև նախկինում ձեռք բերված պայմանավորվածությունների կատարման ընթացքը։ PKK-ի, YPG-ի և PYD-ի ահաբեկչությունը բոլորիս ընդհանուր խնդիրն է։ Ես հավատում եմ, որ միասին մենք կհասնենք այդ նպատակներին՝ շարունակելով համագործակցութունը, որը մինչ այս ցուցաբերել ենք, սակայն Սիրիայի խաղաղությանն ու տարածքային ամբողջականությանը սպառնացող ամենալուրջ սպառնալիքը ահաբեկչության խնդիրն է։ ԴԱԻՇ-ի, PKK-ի, PYD-ի, YPG-ի և բոլոր ահաբեկչական կազմակերպությունների դեմ պայքարը պետք է շարունակվի անխափան»,- ասել է Թուրքիայի ղեկավարը։
Նա նշել է, որ քրդական խմբավորումները պետք է լքեն Թուրքիայի հետ սահմանի 30 կմ-անոց գոտին և այն պետք է «ահաբեկիչներից մաքրված» լինի։
Էմմա Չոբանյան
