27.04.2026 | 23:12
Չեխիան Ադրբեջանին նոր մարտական ուսումնական ինքնաթիռ է առաջարկում
Շիրակի պետական համալսարանում կանցկացվեն ռեկտորի նոր ընտրություններ. ՀՀ ԿԳ նախարար
Հասարակություն
15.05.2018 | 11:34
Գյումրու Շիրակի պետական համալսարանում առկա խնդիրներին լուծում տալու համար հանդիպել եմ բոլոր շահագրգիռ կողմերի հետ. լրագրողների հետ զրույցում ասաց ՀՀ կրթության և գիտության նորանշանակ նախարար Արայիկ Հարությունյանը։
«Մենք այս իրավիճակից մեկ լուծում ենք գտել. ձևավորվելու է նոր խորհուրդ, որը մեր վերահսկողությամբ ու օրենքի տառին համապատասխան կանցկացնի ռեկտորի նոր ընտրություններ: Համալսարանի ռեկտոր Սահակ Մինասյանը շատ լուրջ քայլի է գնացել, ու այսօր ռեկտորի պաշտոնակատար կնշանակվի ռեկտորի տեղակալ Երվանդ Սերոբյանը։ Սա փոխզիջումային և ողջունելի տարբերակ է, և կարծում եմ, լուծում է, որը թույլ կտա դուրս գալ ստեղծված իրավիճակից: Հաջորդ շաբաթ մենք նորից հանդիպումներ կունենանք, ես նորից կայցելեմ Գյումրի, կհանդիպեմ և՛ուսանողների, և՛ դասախոսների հետ: Նաև ռեկտորի պաշտոնակատարին խնդրել եմ առաջիկա շաբաթների ընթացքում դիտարկել հեռացված երկու դասախոսների՝ Հովհաննես Խորիկյանի և Գագիկ Համբարյանի վերականգնման հնարավորությունը», – ասաց Արայիկ Հարությունյանը՝ նշելով, որ բոլոր բուհերում խնդիրները այսկերպ պետք է լուծվեն՝ բանակցությունների, փոխզիջումների միջոցով և որ ԿԳՆ-ն կողմնապահություն չի անելու ու բացառապես առաջնորդվելու է ոլորտի շահերով:
Հիշեցնենք, որ ԱԺ ՀՀԿ խմբակցության անդամ Ֆելիքս Ցոլակյանը նախօրեին հրաժարական է տվել Շիրակի պետական համալսարանի խորհրդի նախագահի պաշտոնից:
