28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
Այսուհետ կթույլատրվի դատական նիստերի դահլիճ ջրի շշերով մտնել
19.07.2022 | 16:19
ԲԴԽ նախագահի պաշտոնակատար Սերգեյ Չիչոյանի հրամանով այսուհետ կթույլատրվի դատարանի նիստերի դահլիճ ջրի շշեր տանել։ Խնդրի մասին երեկ բարձրաձայնել էր փաստաբան Ռուբեն Մելիքյանը․ ֆեյսբուքյան էջում գրառմամբ նա հայտնել էր, որ նախօրեին նիստի ընթացքում կարգադրիչներն արգելել էին պլաստիկե շշով ջուր տանել դահլիճ։ Մելիքյանը բոլոր փաստաբաններին կոչ էր արել ի նշան բողոքի դատարանի դահլիճ ներկայանալ ջրի շշերով։
Ինչո՞ւ չէր թույլատրում դատավարության մասնակիցներին ջրի շշերով գնալ նիստի դահլիճ․ ԲԴԽ մամուլի խոսնակ Լիլիթ Շաբոյանը Factor.am-ին ասաց, որ եղել են դեպքեր, երբ դատավարության ընթացքում նիստի մասնակիցները, կողմերը միմյանց վրա ջրի շշեր են նետել, և այդ նախադեպերը կանխելու համար, անվտանգության նկատառումներից ելնելով, դատական կարգադրիչները չեն թույլատրել պլաստիկե շշեր ներս տանել:
«ԲԴԽ նախագահի պաշտոնակատարը՝ պարոն Սերգեյ Չիչոյանը, տեղեկացվել է խնդրի մասին, և իր հրահանգով պլաստիկ շշերի՝ դատարանի դահլիճ տանելու արգելքն այսուհետ կվերացվի»,- ասաց ԲԴԽ խոսնակը։
Արփի Հակոբյան
