08.06.2026 | 09:41
ՀՀ տարածքում ավտոճանապարհներն անցանելի են
Հայտնի է դարձել Ռուսաստանի դեմ ԵՄ նոր պատժամիջոցների բովանդակությունը
Քաղաքականություն
19.07.2022 | 16:22
Reuters-ը և եվրոպական մի քանի այլ ԶԼՄ-ներ հրապարակել են Ռուսաստանի դեմ ԵՄ նոր պատժամիջոցների բովանդակությունը:
Անհատական պատժամիջոցներ կկիրառվեն Մոսկվայի քաղաքապետ Սերգեյ Սոբյանինի, Ռոստեկի ղեկավար Սերգեյ Չեմեզովի, UMMC-ի տնօրեն Անդրեյ Կոզիցինի, դերասաններ Սերգեյ Բեզրուկովի և Վլադիմիր Մաշկովի նկատմամբ, փոխանցում է BBC-ի ռուսական ծառայությունը։
«Գիշերային գայլեր» հեծանվային ակումբին և «Յունարմիա» մանկական շարժմանը կարգելվի մուտք գործել Եվրամիություն և այնտեղ գործունեություն ծավալել։
Քննարկվում են նաև ռուսական նավաշինական և ռազմական արտադրանք տվող ընկերությունների գործունեության արգելքը, ինչպես նաև «Սբերբանկի» նկատմամբ սահմանափակումները։ Նոր փաթեթում էներգետիկ ոլորտին վերաբերող պատժամիջոցներ չկան։
Տաթև Ֆռանգյան
