09.05.2024 | 00:22
Ինչ են քննարկել Փաշինյանն ու Պուտինը
Ալիևը դժգոհել է Արցախի վերաբերյալ Եվրախորհրդարանի ընդունած բանաձևից, որն ադրբեջանցի պաշտոնյաներն անվանել էին «թղթի կտոր»
Քաղաքականություն
19.07.2022 | 15:09
Ադրբեջանի նախագահ Իլհամ Ալիևը դժգոհել է Արցախի վերաբերյալ Եվրախորհրդարանի ընդունած բանաձևերից։ Ադրբեջանական լրատվամիջոցների հաղորդմամբ՝ իր բողոքները Ալիևը հայտնել է Եվրախորհրդարանի միջազգային հարցերով հանձնաժողովի նախագահ Դեյվիդ Մաքալիսթերի գլխավորած պատվիրակության ընդունելության ժամանակ։
Ալիևը կրկին զբաղվել է կեղծարարությամբ ու հայտարարել, թե, իբր, Բաքվում ու Արցախում հայկական մշակութային ժառանգությունը պաշտպանված է՝ Հայաստանին մեղադրելով վանդալիզմի մեջ։
«Նման պայմաններում բացարձակապես անընդունել է միակողմի բանաձևի ընդունումը՝ աչք փակելով Հայաստանի ու հայերի արածների վրա մեր տարածքներում․ նրանք Ադրբեջանին մեղադրում են այնպիսի բաներում, որոնք մենք չեն արել։ Ես գիտեմ, որ ձեր պատվիրակության շատ անդամներ կողմ են քվերակել այդ բանաձևին։ Եվ սա մի քայլ է, որը լիովին հակառակ արդյունքն է տալիս։ Առաջինը ՝ դա սուտ է հիմնված հորինված փաստերի ու զրպարտության վրա։ Երկրորդ՝ դա մեծ նշանակություն չունի։ Քանի որ ինչպես գիտեք, Ադրբեջանի ու ԵՄ-ի միջև հարաբերությունները ունեն լավ պատմություն և ներկայում էլ դրանք զարգանում են շատ հաջող կերպով»,- ասել է Ալիևը։
Հավելենք, որ Ալիևն, ըստ երևույթին, նկատի ունի դեռևս մարտին Եվրախորհրդարանի կողմից ընդունված «Լեռնային Ղարաբաղում մշակութային ժառանգության ոչնչացման մասին» բանաձևը, որին կողմ էր քվերակել 635 պատգամավոր, 2-ը՝ դեմ էին եղել, 42-ը՝ ձեռնպահ։
Ի դեպ, այս բանաձևի ընդունումից հետո Բաքվի տարբեր պաշտոնյաներ հայտարարեցին, որ այն պարզապես թղթի կտոր է ու որևէ նշանակություն չունի։ Ադրբեջանի Մեջլիսն էլ հայտարարություն էր տարածել՝ նշելով, որ բանաձևը «չի ստվերի ադրբեջանական ժողովրդի ազգային, հոգևոր և մշակութային բարձր արժեքները»։
Ստացվում է՝ բանաձևն այնքան էլ թղթի կտոր չէ և հարուցել է Ադրբեջանի նախագահի զայրութն ու դժգոհությունը։
Էմմա Չոբանյան
