08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Թուրքիան ՌԴ-ին «Բայրաքթարներ» չի մատակարարել ու ապագայում էլ չի անելու. Baykar ընկերության տնօրեն
Քաղաքականություն
19.07.2022 | 15:26
Թուրքական Baykar Makina ընկերությունը իր մարտական անօդաչու թռչող սարքերը երբեք չի մատակարարել ՌԴ-ին և ապագայում էլ դա չի անելու, քանի որ աջակցում է Ուկրաինային։ Այս մասին CNN-ի հետ հարցազրույցում հայտարարել է ընկերության գլխավոր տնօրեն Հալուք Բայրաքթարը, գրում է ՏԱՍՍ-ը։
«Մենք նրանց ոչինչ չենք մատակարարել կամ առաքել։ Ապագայում էլ մենք դա չենք անելու»,-ասել է Բայրաքթարը։
Նա նշել է, որ Անկարայի ու Կիևի հարաբերությունները գտնվում են ռազմավարական մակարդակում, մասնավորապես, պաշտպանական ու օդատիեզերական ոլորտներում։ Բայրաքթարը հավելել է, որ Թուրքիան աջակցում է Ուկրաինային անօդաչուներով, իր հերթին այնտեղից շարժիչներ գնելով իր սարքերի համար։ Այդպիսով, ըստ նրա՝ կողմերի հարաբերությունները փոխշահավետ են։
Էմմա Չոբանյան
