09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
ՌԴ-ն երկընտրանքի առաջ է՝ ռեզերվները տեղակայել Դոնբասում, թե՞ պաշտպանվել ուկրաինական հակագրոհներից․ Մեծ Բրիտանիայի ՊՆ
Քաղաքականություն
19.07.2022 | 15:59
Մեծ Բրիտանիայի ՊՆ-ն ներկայացրել է Ուկրաինայում իրավիճակի իր ամենօրյա ամփոփագիրը, գրում է BBC-ի ռուսական ծառայությունը։ Նշվում է, որ Ռուսաստանը շարունակում է Դոնբասում հարձակման համար գործի դնել վեց առանձին ստորաբաժանումներ։ Մինչ ներխուժումը այդ ստորաբաժանումները կազմված էին մինչև 150,000 հոգուց։
«Վերջին շաբաթներին ռուսական ուժերը որևէ հարձակողական գործողություն իրականացնելիս ավելի հաճախ գործել են մոտ 100 հոգանոց խմբերով: Ռուսաստանը հենց սկզբից ամեն կերպ փորձում է արդյունավետ հարձակում ապահովել, և այդ խնդիրը գնալով ավելի սրվում է։ Բացի այն, որ ռուսական հրամանատարությունը բախվում է անձնակազմի լուրջ սղության հետ, նաև երկրընտրանքի առաջ է կանգնած՝ ռեզերևները տեղակայել Դոնբասո՞ւմ, թե՞ պաշտպանվել ուկրաինական հակահարձակումներից հարավ-արևմտյան Խերսոնի ուղղությամբ»,-ասվում է ամփոփագրում։
Բրիտանական հետախուզությունը նաև նշում է, որ ՌԴ-ի առաջիկա քաղաքական նպատակը Դոնեցկի ամբողջ շրջանի գրավումն է։
«Թեև Ռուսաստանը դեռ կարող է հասնել հետագա տարածքային նվաճումների, նրանց օպերատիվ և առաջխաղացման տեմպերը, հավանաբար, շատ դանդաղ կլինեն առանց նշանակալի օպերատիվ դադարի»,-նշվում է ամփոփագրում։
Էմմա Չոբանյան
