17.01.2026 | 14:14
Հրդեհ Տիչինայի փողոցում
Դեսպան Մկրտչյանը հանդիպել է Հունաստանի նախկին նախագահ Պրոկոպիս Պավլոպուլոսի հետ
Քաղաքականություն
19.07.2022 | 12:19
Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հուլիսի 18-ին հանդիպել է Հունաստանի Հանրապետության նախկին նախագահ Պրոկոպիս Պավլոպուլոսի հետ: Այդ մասին տեղեկացնում են Հունաստանում Հայաստանի դեսպանությունից։
«Ողջունելով միմյանց՝ զրուցակիցներն անդրադարձել են երկու ժողովուրդների դարավոր կապերին, հարուստ և ընդհանուր անցյալին, երկրների միջև բազմաոլորտ հարաբերություններին, հունահայ համայնքի մեծ դերակատարությանն այդ գործում:
Դեսպան Մկրտչյանն ընդգծել է Պրոկոպիս Պավլոպուլոսի ավանդը և ներդրումը երկկողմ հարաբերությունների զարգացման գործում` կարևորելով 2019 թ. Հայաստան կատարած նրա պետական այցը։
Իր հերթին, Պրոկոպիս Պավլոպուլոսը նշել է, որ դարերի ընթացքում ձևավորված եղբայրական հարաբերությունները հիմք են դարձել այսօրվա բարձր մակարդակի միջպետական հարաբերությունների համար` ընդգծելով Հունաստանի յուրաքանչուր կառավարության և խորհրդարանի հանձնառությունը` այդ հարաբերությունների պահպանման ու էլ ավելի ամրապնդման գործում:
Դեսպան Մկրտչյանն անդրադարձել է ՀՀ ԱԳ նախարարի Աթենք կատարած աշխատանքային այցին` ընդգծելով ինչպես երկկողմ, այնպես էլ եռակողմ ձևաչափով` Հայաստան-Կիպրոս-Հունաստան հարաբերությունների հետագա զարգացման ռազմավարական կարևորությունը»,- ասված է հաղորդագրությունում։ մեջ։
