14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Թուրքիայի ՊՆ ղեկավարը հայտնել է, որ պայմանավորվածություն է ձեռք բերվել «հացահատիկային միջանցքի» ընդհանուր սկզբունքների շուրջ
Քաղաքականություն
18.07.2022 | 19:29
Ուկրաինայի, ՌԴ-ի և Թուրքիայի պաշտպանության նախարարության պատվիրակությունների և ՄԱԿ-ի ներկայացուցիչների հանդիպումը ուկրաինական արգելափակված նավահանգիստներից հացահատիկի և պարենի անվտանգ արտահանման հարցով կարող է տեղի ունենալ այս շաբաթ։ Այս մասին հայտարարել է Թուրքիայի պաշտպանության նախարար Հուլուսի Աքարը ԶՈւ գլխավոր շտաբի պետ Յաշար Գյուլերի և տարբեր հրամանատարների հետ հանդիպման ժամանակ, գրում է Անադոլու գործակալությունը։
Աքարն անդրադարձել է նաև Թուրքիայի իշխանությունների դիվանագիտական ջանքերին՝ լուծելու հացահատիկային խնդիրը։
Թուրքիայի պաշտպանության նախարարության ղեկավարը հիշեցրել է, որ հուլիսի 13-ին Ստամբուլում տեղի է ունեցել առաջին քառակողմ հանդիպումը՝ ուկրաինական հացահատիկի սևծովյան արտահանման ապաշրջափակման հարցով։
«Սև ծովում «հացահատիկային միջանցքի» պլանի իրականացման ընդհանուր սկզբունքների շուրջ պայմանավորվածություն արդեն ձեռք է բերվել։ Թուրքիան ջանքեր է գործադրում կոնկրետ քայլերի ուղղությամբ՝ այս ծրագրի իրականացման համար»,- ասել է Աքարը։
Նա նշել է, որ հացահատիկի խնդրի մանրամասները կրկին կուսումնասիրվեն Ստամբուլում կայանալիք նոր հանդիպման ժամանակ։
«Քննարկվում է Ստամբուլում համակարգման կենտրոնի ստեղծումը, նավահանգիստներ մուտքի ու ելքի համաձայնեցումը, նավագնացության անվտանգությունը։ Այս ամենը օրակարգի հիմնական տեխնիկական հարցերն են»,-ասել է Աքարը։
Հավելենք, որ վաղ Իրանում կայանալիք հանդիպմանը Թուրքիայի ու ՌԴ-ի նախագահները ևս քննարկելու են հացահատիկային խնդրի լուծման հարցը։
Էմմա Չոբանյան
