17.01.2026 | 15:55
2025-ին Հայաստանի աշակերտները միջազգային օլիմպիադաներում նվաճել են 91 մեդալ․ ԿԳՄՍ նախարար
Հարավային Եվրոպայում հրդեհները չեն դադարում
Քաղաքականություն
18.07.2022 | 20:15
Ֆրանսիայի Ժիրոնդե դեպարտամենտում հրդեհի հետևանքով արդեն այրվել է ավելի քան 14 հազար հեկտար անտառ, հրդեհները հասել են ծովափնյա գիծ։ Անցած շաբաթ 16 հազար զբոսաշրջիկներ ստիպված են եղել ընդհատել իրենց հանգիստն ու տարհանվել։ Ավելի քան 1700 հրշեջներ պայքարում են կրակի դեմ, սակայն խոստովանում են, որ այդ պայքարն այնքան էլ արդյունավետ չէ։ Ֆրանսիայի արևմուտքում օդի ջերմաստիճանը հասել է 40°C-ի, իսկ որոշ շրջաններում՝ նույնիսկ ավելի բարձր, գրում է Euronews-ը։
Իսկ հարևան Իսպանիայում իրավիճակն էլ ավելի բարդ է․ որոշ հատվածներում ջերմաստիճանը հասել է + 45°C-ի: Իշխանությունների տվյալներով՝ ամբողջ թագավորությունում գրանցվել է մոտ 20 խոշոր օջախ։ Ոչնչացվել է ավելի քան 4500 հեկտար անտառ, հազարավոր մարդիկ տարհանվում են այն բնակավայրերից, որոնք գտնվում են կրակի ճանապարհին։ Կանխատեսումները նույնպես լավատեսություն չեն ներշնչում՝ երեքշաբթի օրը կարճատև զովացում կլինի, իսկ չորեքշաբթի շոգը կվերադառնա։
Պորտուգալիայում երկուշաբթի օրը հրդեհի վտանգի առավելագույն մակարդակ է հայտարարվել 10 շրջանների 80 մունիցիպալիտետներում։ 700 հրշեջներ արդեն երկրորդ շաբաթն է փորձում են դիմակայել տարերքին։ Երկրի իշխանությունները Եվրամիությունից օգնություն են խնդրել։
Տաթև Ֆռանգյան
