Թուրքիայում աննախադեպ գնաճի ֆոնին՝ Էրդողանի կրած ֆրանսիական բրենդի թանկարժեք ակնոցը սոցցանցերում «փոթորիկ» է առաջացրել

Թուրքիայի նախագահ Ռեջեփ Թայիփ Էրդողանի՝ հուլիսի 15-ին Ստամբուլում  2016-ի  հեղաշրջման փորձի  տարելիցին կրած արևային ակնոցը սոցցանցային տիրույթում իսկական փոթորիկ է բարձրացրել, գրում են թուրքական լրատվամիջոցները։ Մասնավորապես, Էրդողանը կրել է ֆրանսիական հանրահայտ Cartier ապրանքանիշի ակնոց, որոնց վաճառքի գինը գնումների տարբեր կայքերում հասնում է մինչև 60,000 լիրայի։

Ակնոցի գինը բուռն քննարկումներ է առաջացրել սոցիալական ցանցերում։ Հաշվի առնելով երկրում տիրող աննախադեպ գնաճն ու սոցիալական լավածությունը՝ օգտատերերը Էրդողանի ակնոցի գինը համեմատել են նվազագույն աշխատավարձի և բազմաթիվ  այլ ապրաների գների հետ։

Ընդդիմադիր IYI՝ Լավ կուսակցության փոխնախագահ Իբրահիմ Օզքանն էլ թվիթերյան գրառմամբ պնդել է, որ Էրդողանի կրած ակնոցի գինը 54 հազար լիրա է՝ 3000 եվրոյից ավելի։

«Ես այսօր տեսա այս ակնոցները կուսակցության ղեկավարի աչքերում։ Ինձ դուր եկավ, նայեցի իրենց գինը 54,519 լիրա։ Բայց ակնոցները գեղեցիկ են»,- գրել է նա թվիթերյան իր միկրոբլոգում։

Միաժամանակ հայտնի է դարձել, որ վերջերս Սաուդյան Արաբիա կատարած այցի ժամանակ Թուրքիայի նախագահի կրած Prada հողաթափերն արժեքն է  10,750 թուրքական լիրա (610 եվրո):

Հավելենք, որ Էրդողանն ու նրա կինը՝ Էմինե Էրդողանը, պարբերաբար են քննադատությունների կիզակետում հայտնվում թանկարժեք իրեր կրելու պատճառով։

Հավելենք, որ հունիսին Թուրքիայում  աննախադեպ գնաճը հասել է 24 տարվա ամենաբարձր մակարդակին՝ 78,62 տոկոսի, որը  հիմնականում պայմանավորված է անցյալ տարվա վերջին արժութային ճգնաժամով և լիրայի շարունակական անկմամբ։

Էմմա Չոբանյան