13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ԵՄ արտաքին գործերի նախարարները համաձայնության են եկել Ուկրաինային ռազմական օգնության նոր տրանշի շուրջ
Քաղաքականություն
18.07.2022 | 16:56
ԵՄ արտաքին գործերի նախարարները համաձայնության են եկել Ուկրաինային ռազմական օգնության նոր տրանշի շուրջ: Այս մասին այսօր հայտարարել է Եվրոպական խորհրդի ղեկավար Շառլ Միշելը, փոխանցում է Ինտերֆաքսը:
«Ես ողջունում եմ ԵՄ ԱԳ նախարարների որոշումը Ուկրաինային օգնության հինգերորդ տրանշի վերաբերյալ: Այժմ ԵՄ օգնության ընդհանուր ծավալը, որը նախատեսում է Ուկրաինայի զինված ուժերին սպառազինության և տեխնիկայի մատակարարում, հասել է 2,5 միլիարդ եվրոյի»,- ասել է նա թվիթերում:
Ավելի վաղ եվրոպական լրատվամիջոցները հայտնել էին, որ ընթացիկ տրանշը կկազմի 500 մլն եվրո։
Հիշեցնենք, որ ԵՄ արտաքին հարաբերությունների խորհուրդը, որն այսօր հանդիպում է Բրյուսելում, նախատեսում է աշխատել ուկրաինական իրավիճակի հետ կապված երեք ուղղություններով՝ աջակցություն Ուկրաինային, պատժամիջոցներ Ռուսաստանի Դաշնության դեմ, միջազգային հանրությանը տեղեկացնել հակամարտության հետևանքների մասին։
Տաթև Ֆռանգյան
