Համացանցում տարածվել են Ադրբեջանի Եվլախ քաղաքում գտնվող ռազմական օդանավակայանի արբանյակային լուսանկար, որոնցում երևում են մի շարք օբյկետներ,որտեղ տեղակայված են ադրբեջանական հարվածային ու հետախուզական անօդաչու թռչող սարքերը։
Ի սկզբանե այս տեղեկությունը հրապարակել է հայկական տելեգրամ ալիքներից մեկը՝ ներկայացնելով նաև օբյեկտների կոորդինատները։ Լուսանկարներն այնուհետ տարածվել են իբրև հայկական առաջին արբանյակից արված նկարներ։ Սակայն ուսումնասիրությունից պարզ է դառնում, որ լուսանկարներն արվել են ավելի վաղ 2022-ի փետրվարին՝ նախքան հայկական արբանյակի ուղեծիր արձակումը։ Դրանք իրականում վերցված են Google Earth ծրագրից։ Lուսանկարի անկյունում երևում է Google Earth-ի այն գործիքը, որով հնարավոր է տեսնել նույն տարածքի նախկինում արված լուսանկարը։
Էմմա Չոբանյան
