30.04.2026 | 23:18
ՀՀ 4 քաղաքում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Ռուսական զորքերը շարունակում են վերադառնալ օպերատիվ դադարից, սակայն զանգվածային հարձակում չի սպասվում․ ISW
Քաղաքականություն
18.07.2022 | 13:56
Պատերազմի ուսումնասիրման ամերիկյան ինստիտուտի (ISW) Ուկրաինայում իրավիճակի վերաբերյալ ամենօրյա ամփոփագրում նշվում է, որ ռուսական զորքերը շարունակում են վերադառնալ օպերատիվ դադարից, հուլիսի 17-ին էլ ռուս զինվորականները սահմանափակ ցամաքային հարձակումներ են իրականացրել Դոնեցկի շրջանում, գրում է BBC-ի ռուսական ծառայությունը։
Ինչպես ավելի վաղ նշում էր ինստիտուտը, ռուսական օպերատիվ դադարի ավարտը հազիվ թե առաջացնի ցամաքային հարձակումների նոր զանգվածային ալիք մի քանի ուղղություններով՝ չնայած Ռուսաստանի պաշտպանության նախարար Սերգեյ Շոյգուի՝ «բոլոր օպերատիվ ուղղություններով խմբավորումների հետագա կուտակման մասին» հայտարարությանը։
Հաղորդվում է, որ ռուսական զորքերը նախապատվությունը տալիս են Սևերսկի ու Բահմուտի շրջանի վրա հարձակմանը՝ միաժամանակ պահպանելով պաշտպանական դիրքերը Խարկովից հյուսիս և հարավային առանցքի երկայնքով։
Բացի այդ ՝ ամերիկացի փորձագետները նշում են, որ ռուսական զորքերը շարունակում են ստեղծել պայմաններ Սլավյանսկի վրա հարձակման վերսկսման համար՝ հրետակոծելով Իզյում-Սլավյանսկի մոտ գտնվող բնակավայրերը, ինչպես նաև հրետանային, հրթիռային և օդային հարվածներ հասցնելով Ուկրաինայի տարածքում։ ՌԴ ՊՆ-ն հուլիսի 17-ին տարածքային որևէ նոր ձեռքբերման մասին չի հայտարարել։
Փորձագետները նշում են, որ օպերատիվ դադարի ավարտը բնութագրվելու է «անկայուն» ու «փուլային» ցամաքային հարձակումների վերսկսմամբ։
Էմմա Չոբանյան
