17.01.2026 | 14:14
Հրդեհ Տիչինայի փողոցում
Ռուստամ Մուրադովը Ուկրաինա ներխուժմանը մասնակցող «Վոստոկ» զորքերի խմբի հրամանատարն է
Քաղաքականություն
18.07.2022 | 11:11
ՌԴ ՊՆ-ն առաջին անգամ պաշտոնապես հայտարարել է Ուկրաինա ներխուժմանը մասնակցող «Վոստոկ» զորքերի խմբի հրամանատարի անունը, գրում է BBC-ի ռուսական ծառայությունը՝ հղում կատարելով ՌԲԿ-ին։ Նա գեներալ-լեյտենանտ Ռուստամ Մուրադովն է։
Մուրադովը 2018 թվականից Հարավային ռազմական օկրուգի հրամանատարի տեղակալն էր, իսկ 2020 թվականի նոյեմբերից մինչև 2021 թվականի սեպտեմբերը ղեկավարել է Լեռնային Ղարաբաղում ռուսական խաղաղապահ զորախումբը։ BBC-ն հիշեցնում է, որ Հայաստանում Մուրադովի՝ խաղաղապահների հրամանատար նշանակվելն այնքան էլ չէին ողջունել, քանի որ նա ծնվել է Դաղստանի գյուղերից մեկում, որտեղ հիմնականում ադրբեջանցիներ են բնակվում։ Ինքը՝ գեներալը, սակայն, այդ ժամանակ հայտարարեց, որ սպայի մոտ ազգ հասկացություն պետք է չլինի։
Լրատվականը նշում է, որ Մուրադովը չի մասնակցել 2008 թվականին Հարավային Օսիայի հնգօրյա պատերազմին, քանի որ այն ժամանակ ղեկավարում էր Արևելյան ռազմական օկրուգի բրիգադը։ Երբ 2014-ին պատերազմ սկսվեց Ուկրաինայի արևելքում, նա ԳՇ ռազմական ակադեմիայի ուսանող էր, իսկ 2016-ին, երբ Դոնբասում ակտիվ ռազմական գործողությունները դադարեցվեցին, Մուրադովը դարձավ Ռուսաստանի ներկայացուցիչը ռուս-ուկրաինական հրադադարի մոնիտորինգի համատեղ կենտրոնում։
2022 թվականի փետրվարին՝ Ուկրաինա ռուսական լայնամասշտաբ ներխուժումից հետո, ԵՄ-ն անձնական պատժամիջոցներ սահմանեց Մուրադովի դեմ։
Տաթև Ֆռանգյան
