07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ծանրաքաշ տրանսպորտային միջոցներ են կշռվել․ 4 վարորդ վարչական պատասխանատվության է ենթարկվել
17.07.2022 | 18:37
ՀՀ քաղաքաշինության, տեխնիկական և հրդեհային անվտանգության տեսչական մարմինը հանգստյան օրերին շարունակել է միջպետական, հանրապետական նշանակության ավտոճանապարհներով ծանրաքաշ և մեծ եզրաչափերով բեռնափոխադրումներ իրականացնող տրանսպորտային միջոցների նկատմամբ վերահսկողության իրականացումը։
Ինչպես տեղեկացնում են գերատեսչությունից, տեսչական մարմինը շաբաթ օրը` հուլիսի 16-ին և կիրակի` հուլիսի 17-ին ծանրաքաշ, մեծ եզրաչափերով բեռնափոխադրումներ իրականացնող տրանսպորտային միջոցների կշռում է իրականացրել Վայոց ձորի մարզում։
«Միջպետական Մ-2 ավտոմոբիլային ճանապարհի 120+500 կմ հատվածներում կշռվել են 15 տրանսպորտային միջոց։
Արդյունքում վարչական պատասխանատվության են ենթարկվել 4 տրանսպորտային միջոցների վարորդներ։
Տուգանքների ընդհանուր չափը կազմել է 800 հազար ՀՀ դրամ»,- ասված է հաղորդագրության մեջ:
