26.06.2026 | 17:49
ՌԴ-ն և Ուկրաինան գերիների են փոխանակել 160-ը 160-ի դիմաց
ԵզրաԿԱՑՈՒԹՅՈՒՆ. Ռուբեն Հայրապետյանը հակասում է ինքն իրեն
Հաղորդաշարեր
14.05.2018 | 18:46
Հակասություն 1
«Քանի դեռ ես ֆեդերացիայի նախագահն եմ, Մովսիսյանը, Արզումանյանը, Կասպարովը ոտք չեն դնելու հավաքական»,- խոսքերի հեղինակը ՀՖՖ նախագահ Ռուբեն Հայրապետյանն է, միտքն ասել է 2016թ. մարտի 23-ի հարցազրույցում:
2018 թվականի ապրիլի 10-ին հավաքականի գլխավոր մարզիչ նշանակված Վարդան Մինասյանը, սակայն, Յուրա Մովսիսյանին կրկին հրավիրել է հավաքական, չնայած Ռուբեն Հայրապետյանի խոստմանը:
Հակասություն 2
Մեկ այլ հարցազրույցում՝ տված 2016թ. մարտի 24-ին, Հայրապետյանն ասում է, որ ինքն է հրահանգել Մովսիսյանին հավաքական չհրավիրել: Բնականաբար, հարցազրույցից հետո դժգոհություն առաջացավ, թե ի՞նչ իրավունքով է ՀՖՖ նախագահը միջամտում մարզիչի աշխատանքներին: Ի պատասխան՝ Հայրապետյանը հայտարարեց՝ «Եթե ֆեդերացիայի նախագահն իրավունք չունի, բա ո՞վ ունի»:
Օրերս պարզվեց, որ այս գաղափարից ևս ֆեդերացիայի նախագահը հրաժարվել է: 2018թ. մայիսի 12-ի ասուլիսում Ռուբեն Հայրապետյանն ասաց․ «Ես ընդհանրապես չեմ հետաքրքրվում՝ հավաքական ովքեր են հրավիրվում»:
