17.01.2026 | 14:10
Նոր համայնքային փնջեր են ձևավորվելու․ ՏԿԵՆ-ը նախագիծ է ներկայացրել
Ջո Բայդենն այցելել է Սուրբ Ծննդյան տաճար, հանդիպել Հայոց պատրիարք Նուրհան եպսկ․ Մանուկյանին
Քաղաքականություն
15.07.2022 | 17:39
Բեթղեհեմում պաղեստինցի պաշտոնյաների հետ հանդիպելուց հետո ԱՄՆ նախագահ Ջո Բայդենն այցելել է Սուրբ Ծննդյան տաճար, որտեղ նրան դիմավորել է Հայոց պատրիարք Նուրհան եպսկ․ Մանուկյանը։ 
Պատրիարքն առանձնազրույցի ժամանակ շնորհակալություն է հայտնել ԱՄՆ նախագահին Հայոց ցեղասպանությունը ճանաչելու համար և քննարկել նաև այլ թեմաներ: Սրբազանը Ջո Բայդենին հայկական հախճապակուց պատրաստված ափսե և նուռ է նվիրել:
New York Times-ի լրագրողն անդրադառնալով այցին՝ ներկայացնում է տաճարի պատմությունը՝ նշելով, որ ըստ Աստվածաշնչի, հենց այս տաճարում է ծնվել Հիսուսը։ Քրիստոնեական պաշտամունքի հնագույն վայրերից մեկը՝ Սուրբ Ծննդյան եկեղեցին, կառուցվել է չորրորդ դարում։ Ըստ պատմաբանների՝ այն ավերվել է բյուզանդական տիրապետության դեմ ապստամբությունից մոտ երկու դար անց և վերակառուցվել ավելի մեծ մասշտաբներով Հուստինիանոս կայսեր կողմից:
Եկեղեցին երեք դավանաբանական ուղղությունների տունն է՝ հայ առաքելականների, ֆրանցիսկյան կաթոլիկների ու հույն ուղղափառների, որոնք կիսում են տարածքը, երբեմն ոչ այնքան համերաշխ՝ իրենց ծիսակարգերը պլանավորելով օրվա տարբեր ժամերի:
Տաթև Ֆռանգյան
