01.05.2026 | 12:24
Ադրբեջանի Մեջլիսը դադարեցնում է համագործակցությունը Եվրախորհրդարանի հետ
Եվրահանձնաժողովի նախագահ Ուրսուլա ֆոն դեր Լեյենը հուլիսի 18-ին կայցելի Ադրբեջան
Քաղաքականություն
15.07.2022 | 17:45
Եվրոպական հանձնաժողովի նախագահ Ուրսուլա ֆոն դեր Լեյենը և էներգետիկայի հարցերով ԵՄ հանձնակատար Քադրի Սիմսոնը հուլիսի 18-ին այցելելու են Ադրբեջան։ Այս մասին հայտնում է Եվրահանձնաժողովը, գրում է ադրբեջանական լրատվամիջոցները։
Եվրահանձնաժողովի մամուլի ծառայությունից հայտնել են, որ այցի ընթացքում նախատեսվում է հանդիպում Ադրբեջանի նախագահ Իլհամ Ալիևի, էներգետիկայի նախարար Փարվիզ Շահբազովի, SOCAR-ի նախագահի պաշտոնակատար Ռովշան Նաջաֆի հետ։
«Հաջորդ շաբաթ ԵՄ-ն ու Ադրբեջանը ձգտելու են ամրապնդել իրենց ռազմավարական գործընկերությունը էներգետիկայի ոլորտում՝ բարձրացնելու Հարավային գազային միջանցքի դերը Եվրոպայի հարավարևելյան երկրներ բնական գազի մատակարարման դիվերսիֆիկացիայի գործում»,-ասվում է հայտարարության մեջ։
Հիշեցնենք, որ նախօրեին մամուլում տեղեկություններ տարածվեցին, որ ԵՄ-ն ու Ադրբեջանը ծրագրում են գազամատակարարման ծավալի ավելացման նոր համաձայնագիր ստորագրել։
Էմմա Չոբանյան
