18.05.2026 | 10:31
Թրամփը զգուշացնում է Իրանին՝ գործարքի «ժամանակը սպառվում է»
Բարդ իրավիճակում արագ կողմնորոշվելու համար ջրափրկարարները պարգևատրվել են պատվոգրով
Հասարակություն
15.07.2022 | 15:55
Գեղարքունիքի մարզի Արտանիշ գյուղի մոտակայքում՝ Սևանա լճում, հուլիսի 6-ին հերթապահություն իրականացնող հատուկ ջրափրկարարական ջոկատի անձնակազմի հետ կապն ընդհատվել էր. մոտորանավակն ուժեղ քամուց շրջվել էր, և ջրափրկարարները, հայտնվելով բաց լճում, ալեկոծության և քամու պայմաններում դրսևորել էին արտակարգ իրավիճակներում ճիշտ կողմնորոշվելու մասնագիտական ունակություններ, մոտ 1 կմ լողալով, դուրս էին եկել Շորժա գյուղի մոտակա ափ, իրենց հետ դուրս բերելով նաև մոտորանավակը․ ֆեյսբուքի իր էջում գրել է ԱԻն նախարար Արմեն Փամբուխչյանը։
«Ընդունել եմ Գեղարքունիքի ՄՓՎ հատուկ ջրափրկարարական ջոկատի մոտորանավակավար-փրկարար փ/ծ սերժանտ Արման Գևորգյանին և Գեղարքունիքի ՄՓՎ հատուկ ջրափրկարարական ջոկատի խմբի հրամանատար փ/ծ մայոր Գոռ Հովհաննիսյանին։ Ծառայողական պարտականությունների բարեխիճ կատարման և բարդ իրավիճակում արագ կողմնորոշվելու համար ջրափրկարարներին պարգևատրել եմ պատվոգրով։
Նման դեպքերը ևս մեկ անգամ փաստում են մեր փրկարարների պատրաստվածության բարձր ցուցիչի և հնարավոր պատահարների ժամանակ նրանց հանդեպ լիարժեք վստահություն ունենալու հնարավորության մասին»,- գրել է նախարարը։
