22.04.2026 | 15:51
ՆԱՏՕ-ն պատրաստ է անվտանգության ու պաշտպանության ոլորտում Հայաստանի հետ համագործակցության
ԱՄՆ Պետդեպարտամենտը բացատրել է, թե ինչու է իր քաղաքացիներին կոչ արել լքել Ուկրաինան
Քաղաքականություն
15.07.2022 | 16:50
ԱՄՆ Պետդեպարտամենտի ներկայացուցիչը բացատրել է, թե ինչու է երկրի դեսպանատունը հորդորել իր քաղաքացիներին անհապաղ լքել Ուկրաինայի տարածքը։ Այս մասին նա հայտնել է RBC-Ուկրաինային տված մեկնաբանությունում։
Պաշտոնյայի խոսքով՝ Միացյալ Նահանգների համար գլխավոր առաջնահերթությունը արտերկրում գտնվող իր քաղաքացիների անվտանգությունն է:
«Մենք հանձնառու ենք ԱՄՆ քաղաքացիներին տրամադրել հստակ, ժամանակին և ճշգրիտ տեղեկատվություն աշխարհի յուրաքանչյուր երկրի մասին, որպեսզի նրանք կարողանան տեղեկացված որոշումներ կայացնել իրենց ճանապարհորդությունների վերաբերյալ», – ասել է նա:
Պաշտոնյան նշել է, որ լայնամասշտաբ պատերազմի պատճառով Ուկրաինան հարմար չէ զբոսաշրջային ուղևորությունների համար և ընդգծել է, որ ամերիկացիները պետք է լքեն երկիրը և դա անեն այնպիսի երթուղիներով, որոնցով իրենց վտանգի չեն ենթարկի ռազմական գործողությունների պատճառով։
«Պետդեպարտամենտը շարունակում է կոչ անել ԱՄՆ բոլոր քաղաքացիներին անհապաղ լքել Ուկրաինան, եթե դա անվտանգ է՝ օգտվելով ցանկացած առևտրային կամ մասնավոր ցամաքային տրանսպորտից», – ասել է Պետդեպարտամենտի ներկայացուցիչը։
Միաժամանակ նա հավելել է, որ որոշ քաղաքացիների համար լավագույն տարբերակը կարող է լինել տեղի ապաստարաններում պատսպարվելը։
Հիշեցնենք, որ հուլիսի 14-ին Կիևում ԱՄՆ դեսպանատունը կոչ էր արել ԱՄՆ քաղաքացիներին մուտք չգործել Ուկրաինա, իսկ նրանք, ովքեր այժմ գտնվում են երկրում, անհապաղ լքել այն։
Տաթև Ֆռանգյան
