14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մակրոնը Ռուսաստանի դեմ պատժամիջոցները դիտարկում է որպես Ուկրաինայում պատերազմը դադարեցնելու միջոց
Քաղաքականություն
14.07.2022 | 21:23
Ֆրանսիայի նախագահ Էմանուել Մակրոնը հայտարարել է, որ պետք է պատրաստ լինել ուկրաինական ձգձգվող հակամարտությանը․ նա Ռուսաստանի դեմ կիրառված պատժամիջոցները համարում է պատերազմը կասեցնելու ամենաճիշտ գործիքը, գրում է swissinfo.ch-ն։
«Ֆրանսիան Ուկրաինային միշտ կտրամադրի, ինչպես մինչ այս արել է, ռազմական, մարդասիրական, տնտեսական ու քաղաքական օգնություն։ Պետք է անել ամեն ինչ, որպեսզի դադարեցվի պատերազմը՝ պատժամիջոցներ կիրառելով»,-ասել է Մակրոնը ֆրանսիական TF1 և France2 հեռուստաալիքներին տված հարցազրույցում։ Նրա խոսքով՝ չի կարելի թույլ տալ ռազմական գործողությունների աշխարահագրության ընդլայնում։
«Մենք ցանկանում ենք դադարեցնել այս պատերազմը՝ չներքաշվելով դրանում»,- հավելել է Ֆրանսիայի նախագահը՝ նշելով, որ Ուկրաինային աջակցելով հանդերձ՝ Արևմուտքը, չի ցանկանում համաշխարհային պատերազմ։
«Նշանակում է, որ ամենաօգտակար գործը, որը պետք է անել Ուկրաինային օգնելու համար, Ռուսաստանի տնտեսության դեմ պատժամիջոցներ կիրառելն է»,-նշել է Ֆրանսիայի նախագահը։
Էմմա Չոբանյան
