06.11.2024 | 12:50
Դեսպան Լիլիթ Մակունցն ընտրությունների օրն այցելել է Վաշինգտոնի և Վիրջինիա նահանգի ընտրատեղամասեր
Ուկրաինական հացահատիկի հարցով բանակցությունների նոր փուլը կարող են լինել հուլիսի 20-21-ին․ ԶԼՄ
Քաղաքականություն
14.07.2022 | 19:44
Ուկրաինական հացահատիկի հարցով Թուրքիայի, ՌԴ-ի, Ուկրաինայի ու ՄԱԿ-ի ներկայացուցիչների հաջորդ հանդիպումը, հնարավոր է, կայանա հուլիսի 20-21-ին, վերջնական որոշումը կլինի դիվանագիտական ուղիներով համաձայնություն ձեռք բերելուց հետո։ Այս մասին Ռիա Նովոստիին հայտնել է իրավիճակին ծանոթ աղբյուրը։
Հիշեցնենք, որ ՌԴ-ի, Թուրքիայի, Ուկրաինայի զինվորական պատվիրակությունների ու ՄԱԿ-ի ներկայացուցիչների հանդիպումը հացահատիկի հարցով նախօրեին տեղի էր ունեցել Ստամբուլում։
Ավելի վաղ էլ գործակալության դիվանագիտական աղբյուրը հայտնել էր, որ հանդիպմանը կոնսենսուսի մեծ հույսեր կան։ Նրա խոսքով՝ բանակցություններում հաշվի են առնվում ինչպես Մոսկվայի մտավախությունները, այնպես էլ ռուսական գյուղմթերքի արտահանման ապահովագրական, լոգիստիկ և բանկային հատվածներում պատժամիջոցների առկայությունը։ Թուրքիայի ՊՆ ղեկավար Հուլուսի Աքարը հայտնել էր, որ ռուսական ու ուկրաինական պատվիրակությունները կրկին հանդիպելու են Թուրքիայում հաջորդ շաբաթ։
Էմմա Չոբանյան
