31.05.2026 | 13:33
Օդի ջերմաստիճանը կբարձրանա 3-4 աստիճանով
Թուրքիայում շարունակվում են խոշոր անտառային հրդեհները, մարդիկ տարհանվել են տներից, կան տուժածներ. ԼՈՒՍԱՆԿԱՐՆԵՐ
Քաղաքականություն
14.07.2022 | 20:26
Թուրքիայի հարավ-արևմտյան Մուղլա նահանգում երկրորդ օրն է չի հաջողվում մեկուսացնել խոշոր անտառային հրդեհները։ Հրդեհաշիջմանը խանգարում է քամին, որի հետևանքով այն արագորեն տարածվում է։
Թուրքիայի առողջապահության նախարար Ֆահրեթթին Քոջան թվիթերյան իր գրառմամբ տեղեկացրել է, որ հրդեհի հետևանքով 19 մարդ է տուժել։ Նրա խոսքով՝ 9 մարդ այժմ բուժում է ստանում, 9-ը՝ դուրս են գրվել, մեկն էլ օգնության կարիք չի ունեցել։
Թուրքական լրատվամիջոցների հաղորդմամբ՝աշխատանքներ են տարվում հրդեհները մեկուսացնելու ուղղությամբ։ Գյուղատնտեսության ու անտառային տնտեսության նախարար Վահիտ Քիրշչին է աշխատանքները համակարգում։ Նշվում է, որ հրդեհաշիջման աշխատանքներում ներգրավված է 10 ինքնաթիռ, 17 ջրային ուղղաթիռ, 3 վարչական ուղղաթիռ, 179 հրշեջ մեքենա, 19 ցիստեռն, 29 միավոր աշխատանքային տեխնիկա և մասնակցում է 1500 հոգանոց անձնակազմ։
Հաղորդվում նաև, որ շուրջ 2600 մարդ տարհանվել է անվտանգ վայրեր։ Հրդեհն արդեն ոչնչացրել է 500-600 հա անտառային տարածք։
Էմմա Չոբանյան
