16.09.2026 | 14:31
ԵՀ նախագահը Կանադային առաջարկել է դառնալ միության առաջին «ասոցացված անդամը»
ԵՄ-ն ու Ադրբեջանը ծրագրում են գազամատակարարման ծավալի ավելացման նոր համաձայնագիր կնքել․ Reuters
Քաղաքականություն
14.07.2022 | 16:52
Եվրահանձնաժողովն առաջարկում է ԵՄ երկրներին հավանություն տալ Ադրբեջանից գազի ներկրմանն ու աջակցել դրա համար խողովակաշարերի թողունակության ընդլայնմանը։ Այս մասին ասվում է փաստաթղթի նախագծում, հաղորդում է Reuters-ը։
Նշվում է, որ փոխըմբռնման հուշագրի նախագիծը, որը պետք է կառավարությունների հաստատումն անցնի և դեռ կարող է փոփոխվել, ԵՄ-ի ջանքերի մի մասն է պատերազմից հետո Ուկրաինայում ռուսական գազից կախվածությունը նվազեցնելու համար:
«Երկու կողմերն էլ պատրաստ են աջակցել բնական գազի երկկողմ առևտրին՝ մինչև 2027 թվականը Հարավային գազային միջանցքով Եվրամիություն տարանցելով առնվազն 20 միլիարդ խորանարդ մետր գազ՝ հաշվի առնելով առևտրային կենսունակությունը և շուկայի պահանջարկը»,-ասվում է փաստաթղթում։
Նախագծում նաև նշվում է, որ երկու կողմերը պետք է խրախուսեն ցանցի ընդլայնման ֆինանսավորումը դեպի Եվրոպա մատակարարումները մեծացնելու համար։ Ըստ փաստաթղթի նախագծի՝ գազի ապագա պայմանագրերը պետք է համապատասխանեն ԵՄ-ի կլիմայի փոփոխության թիրախներին։
Հավելենք, որ ադրբեջանական լրատվամիջոցների հաղորդմամբ՝ ԵՄ էներգետիկ հարցերով հանձնակատար Քադրի Սիմսոնը հուլիսի վերջին պատրաստվում է այցելել Բաքու։ Այցի նպատակն է քննարկել ԵՄ երկրներ բնական գազի ներմուծման ավելացման հարցը և Հարավային գազային միջանցքի ընդլայնմանն աջակցելու համաձայնագրի նախագիծը։
Էմմա Չոբանյան
