06.11.2024 | 12:42
ԱԹՍ-ներն առաջին անգամ գրոհել են Դաղստանը
Եվրոպայում ուժեղ շոգերի պատճառով անտառային հրդեհներ են մոլեգնում
Քաղաքականություն
14.07.2022 | 18:58
Եվրոպայի հարավային հատվածներում՝ Պորտուգալիայում, Իսպանիայում և Ֆրանսիայում, անտառային հրդեհներ են մոլեգնում։ Հազարավոր հրշեջներ պայքարում են հրդեհի ավելի քան 20 օջախները մեկուսացնելու և մարելու համար։ Կրակը սպառնում է գյուղերին, գրում է VOA-ն: Կրակի տարածմանը նպաստում է աննախադեպ շոգը․ օդի ջերմաստիճանը Եվրոպայի որոշ մասերում հասել է 45 աստիճանի։
Ֆրանսիայում հարյուրավոր հրշեջներ՝ վեց հրշեջ ինքնաթիռների աջակցությամբ, պայքարում են երկրի հարավ-արևմուտքում մոլեգնող երկու անտառային հրդեհների դեմ, որոնք ստիպել են տարհանել հազարավոր զբոսաշրջիկների։ Այս մասին հայտնել է Ժիրոնդի պրեֆեկտ Ֆաբիեն Բուչոն:
Պորտուգալական Լեյրիա շրջանում էլ արդեն այրվել է ավելի քան 3000 հեկտար տարածք, իշխանությունները փակել են տարածքով անցնող հավտոճանապարհները։ Հրշեջների աշխատանքին խանգարում է ուժեղ քամին։
Պորտուգալիայի գլխավոր մայրուղին, որը կապում է երկրի մայրաքաղաք Լիսաբոնը Պորտուի հետ, նույնպես արգելափակվել է մոլեգնող հրդեհի պատճառով:
Տաթև Ֆռանգյան
