28.07.2026 | 09:45
Վթարային ջրանջատում Լոռու մարզում
Ադրբեջանի պատկան մարմինները հայտնում են զինված ուժերում կորուստների մասին
Քաղաքականություն
14.07.2022 | 12:35
Ադրբեջանի ԶՈՒ-ի զինծառայողների շրջանում հերթական միջադեպերն են տեղի ունեցել։ Տեղական լրատվամիջոցները գրում են, որ զինծառայող է ինքնասպան եղել։ Գլխավոր դատախազությունը հայտնում է, որ հուլիսի 13-ին ժամը 23։00-ի սահմաններում ինքնաձիգից արձակված կրակոցի հետևանքով մահացել է ադրբեջանական բանակի զինծառայող, շարքային Ռուսլան Շարիֆ օղլու Մանաֆզադեն։ Հարուցվել է քրեական գործ Ադրբեջանի քրեական օրենսգրքի 125-րդ հոդվածով (ինքնասպանության դրդելը)։Կատարվում է հետաքննություն, այլ մանրամանսներ չեն հաղորդվում։
Ադրբեջանի ՊՆ էլ հաղորդում է, որ ադրբեջանական բանակի սերժանտ է ջրահեղձ եղել Մինգեչաուրի ջրամբարում։ Նշվում է, որ զինծառայող կրստեր սերժանտ Բայրամով Նամիզադ Իսրայել օղլուն է, որը խեղդվել է Մինգեչաուր քաղաքի մոտ գտնվող ջրամբարում լողալիս։ Կատարվում է քննություն։
Էմմա Չոբանյան
