14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Հունգարիան էներգետիկ ոլորտում արտակարգ դրություն է հայտարարել
Քաղաքականություն
14.07.2022 | 17:47
Բուդապեշտում կարծում են, որ Եվրոպան առաջիկա ջեռուցման սեզոնին գազի պակասուրդի հետ կբախվի։ Հունգարիայի կառավարությունը «էներգետիկ արտակարգ իրավիճակ» է հայտարարել Եվրոպայում մատակարարումների ընդհատումների և էներգակիրների գնի կտրուկ աճի պատճառով, գրում է VOA-ն:
«Եվրոպան դժվար թե բավարար գազ ունենա աշուն-ձմեռ ջեռուցման սեզոնի ընթացքում», – հայտարարել է վարչապետ Վիկտոր Օրբանի աշխատակազմի ղեկավար Հերգեյ Գույաշը: Հունգարիան մտադիր է ավելացնել էներգաարտադրության ներքին հզորությունները։
Պաշտոնյան նշել է, որ մայրցամաքում «էներգետիկ ճգնաժամի» պատճառ է դարձել Ուկրաինայում Ռուսաստանի սանձազերծած պատերազմը և դրան հաջորդած պատժամիջոցները։
«Երկարատև պատերազմը և Բրյուսելի պատժամիջոցները հանգեցրել են էներգակիրների գների զգալի աճի ողջ Եվրոպայում, և, փաստորեն, Եվրոպայի մեծ մասն արդեն տնտեսական ճգնաժամի մեջ է», – ասել է Գույաշը:
Տաթև Ֆռանգյան
