17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Ռուսաստանի շրջաններում «կամավորների» են հավաքագրում պատերազմին մասնակցելու համար․ ISW
Քաղաքականություն
14.07.2022 | 16:02
Կրեմլը հրահանգել է Ռուսաստանում մասնակի կամ ամբողջական մոբիլիզացիա հայտարարելու փոխարեն շրջաններում ձևավորել կամավորական գումարտակներ պատերազմին մասնակցելու համար, հայտնում է BBC-ի ռուսական ծառայությունը՝ հղում անելով Պատերազմի ուսումնասիրման ամերիկյան ինստիտուտի (ISW) փորձագետների հերթական զեկույցին։
Ռուս ռազմական լրագրող ու բլոգեր Մաքսիմ Ֆոմինը տեղեկացրել է, որ «Ռուսաստանում սկսվել է կամավոր մոբիլիզացիա», որի ընթացքում յուրաքանչյուր շրջան պետք է ձևավորի առնվազն մեկ կամավորական գումարտակ։
«Կամավոր» տերմինը հավանաբար ենթադրում է, որ Կրեմլը հրամայել է 85 դաշնային սուբյեկտներին, ներառյալ՝ Սևաստոպոլն ու Ղրիմը, հավաքագրել ու ֆինանսապես խթանել կամավորներին նոր գումարտակների ձևավորման համար, հայտնում է աղբյուրը։ Ռուսական լրատվամիջոցների հաղորդմամբ՝ շրջանային իշխանությունները հավաքագրում են մինչև 50 կամ 60 տարեկան տղամարդկանց, վեցամսյա պայմանագրով առաջարկում են ամսական միջինը 220-350,000 ռուբլի (3750-6000 դոլար):
ISW փորձագետները հաշվարկել են, որ եթե դաշնության յուրաքանչյուր սուբյկետ ստեղծի առնվազն մեկ 400 հոգանոց ստորաբաժանաում , կամավորների ընդհանուր թիվը կարող է կազմել 34,000։
Էմմա Չոբանյան
