12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Շուրջ 12 մլրդ դրամ` ավտոճանապարհների ասֆալտապատմանը․ ՏԵՍԱՆՅՈՒԹ
Տնտեսություն
14.07.2022 | 11:17
Կառավարությունն առաջարկում է պետական բյուջեի պահուստային ֆոնդից ՏԿԵ նախարարությանը հատկացնել 11.8 միլիարդ դրամ, որը կուղղվի՝ 2 միջպետական նշանակության ավտոճանապարհների հիմնանորոգմանը՝ 2.6 միլիարդ դրամի, 6 հանրապետական նշանակության ավտոճանապարհների հիմնանորոգմանը՝ 5.5 միլիարդ դրամի, 4 մարզային նշանակության ավտոճանապարհների հիմնանորոգմանը՝ 3.7 միլիարդ դրամի շրջանակում:
«Այս գումարի շրջանակում նախատեսված աշխատանքների վերաբերյալ նախագծանախահաշվային փաստաթղթերն արդեն իսկ պատրաստ են: Հիմա եթե Կառավարությունը նպատակահարմար համարի և դրական որոշում կայացնի այս գումարի հատկացման վերաբերյալ, մենք հնարավորություն կունենանք շատ արագ շինարարական աշխատանքները փաստացի սկսելու»,- նշեց ՏԿԵ նախարարի տեղակալ Վաչե Տերտերյանը:
Վարչապետ Փաշինյանն ընդգծեց, որ ճանապարհաշինության ոլորտում ծավալուն աշխատանքներ են իրականացվում, միաժամանակ նշեց, որ աշխատանքի որակի հետ կապված խնդիրները լուծված չեն:
«Ուշադրության կենտրոնում պետք է լինի աշխատանքի որակական հատվածը: Բացի այդ խնդրից՝ մենք ունենք նաև սահմանվածից ավելի քաշով մեքենաների երթևեկության խնդիր: Մեր քաղաքական որոշումն այն է, որ պարտադիր պետք է ճանապարհային կշեռքների համակարգ ունենանք, որպեսզի կարողանանք հանրային ներդրումները ծառայեցնել պատշաճ ժամանակով պատշաճ նպատակի»,- նշեց վարչապետը:
Մանրամասները՝ տեսանյութում:
