19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Բաքվում 44-օրյա պատերազմի մասնակիցները Մեջլիսի մոտ բողոքի ակցիա են արել
Քաղաքականություն
13.07.2022 | 21:41
Բաքվում Արցախյան երկրորդ պատերազմի մի խումբ մասնակիցներ Միլլի Մեջլիսի շենքի մոտ ակցիա են անցկացրել՝ պահանջելով հանդիպում պատգամավորների հետ, գրում են տեղական լրատվամիջոցները։ Նրանց պահանջել են իրենց իրավունքները ապահովել և իրականացնել կառավարության որոշումները պատերազմի մասնակիցների վերաբերյալ։
Լրագրողների հետ զրույցում բողոքավորները կոչ են արել իշխանություններին անհրաժեշտ միջոցներ ձեռնարկել պատերազմի մասնակիցների շրջանում ինքնասպանությունների դեպքերի աճը կանխելու համար։
«Մինչ այժմ պաշտոնապես հայտնի է վետերանների ինքնասպանություն 36 դեպքի մասին։ Իրականում ինքնասպանություն գործած վետերանների թիվը շատ ավելի մեծ է։ Իմ ընկերը նույնպես ինքնասպան եղավ, բայց դա չբացահայտվեց»,- ասել է ցուցարարներից մեկը։
«Այս դեպքերին պետք է վերջ տալ։ Պատճառն այն է, որ պատերազմի մասնակիցը ապրում է վատ պայմաններում, ունի ֆինանսական խնդիրներ, չի կարող աշխատել։ 80 մանաթ են տալիս որպես թոշակ, դրանով ի՞նչ կարելի է անել»,-բողոքել է մեկ այլ ցուցարար։
Քանի որ պատգամավորները գտնվում են արձակուրդում, ցուցարարները շարժվել են դեպի նախագահ Իլհամ Ալիևի նստավայր։
Էմմա Չոբանյան
