18.08.2026 | 10:44
Էրդողանը Դոնալդ Թրամփի հետ ԱՄՆ-Իրան հակամարտությունն է քննարկել
ՔՊ-ի համար դժվար է լինելու 33 հոգու մանդատից զրկել, փորձելու են փուլերով անել․ Իշխան Սաղաթելյան․ ՏԵՍԱՆՅՈՒԹ
Քաղաքականություն
13.07.2022 | 18:47
ԱԺ խորհուրդը վաղն արտահերթ նիստ կգումարի՝ քննարկելու ընդդիմադիր 33 պատգամավորների լիազորությունները դադարեցնելու՝ մանդատից զրկելու համար Սահմանադրական դատարան դիմելու հարցը:
«Իշխանությունը փորձ է անելու մեզ մանդատից զրկել, բայց այդ մանդատներն իրենք չեն մեզ տվել, ժողովուրդը երկու ընդդիմադիր խմբակցություններին շուրջ 330 հազար քվե է տվել, մենք սպասարկում ենք այն օրակարգը, որը ձևավորել են մեր ընտրողները: Սա իշխանության կողմից հստակ քաղաքական հետապնդում է: Երկրում կա հստակ արձանագրված խորհրդարանական ճգնաժամ, կա քաղաքական ճգնաժամ, եթե իշխանությունները գնան ՍԴ դիմելու ճանապարհով, առկա կլինի նաև սահմանադրական ճգնաժամ»,- նշեց Իշխան Սաղաթելյանը՝ հավելելով, որ մանդատ ունենալ-չունենալը չի ազդելու իրենց պայքարի ընթացքի վրա:
Սաղաթելյանը նշեց, որ «Հայաստան» խմբակցությունը դեռևս չի քննարկել՝ մասնակցություն կունենան ԱԺ խորհրդի արտահերթ նիստում, թե ոչ, բայց իր կարծիքով՝ մասնակցելն անիմաստ է. «Անիմաստ է գնալ, այդ շոուին մասնակցելը»:
Սաղաթելյանի խոսքով՝ ՔՊ-ի համար դժվար է լինելու 33 հոգու մանդատից զրկելը, փորձելու են դա փուլերով անել:
Մանրամասները՝ տեսանյութում։
