27.02.2026 | 09:02
Նիկոլ Փաշինյանն ու Աննա Հակոբյանը բաժանվել են
Ռուսաստանում թղթի ու թանաքի պակաս կա
Քաղաքականություն
13.07.2022 | 16:28
Ռուսաստանում թղթի ու թանաքի պակասի պատճառով ցանկանում են փոխել ապրանքների պիտակների ստանդարտները։ Համապատասխան առաջարկով գերատեսչություններին է դիմել ՌԴ փոխվարչապետ Վիկտորյա Աբրամչենկոն, հայտնում է РБК-ն։
Նա գերատեսչություններին խնդրել է ուսումնասիրել Ռուսաստանի ազգային ստանդարտների հստակեցման հնարավորությունը արտադրանքի մակնշման ոլորտում։ Նշվում է, որ առաջարկները ստացվել են գործարար ոլորտից, դրանց նպատակն է նվազեցնել վարչական խոչընդոտները և հասնել փաթեթավորման նյութերի սահմանափակման։
Արտադրողները կարծում են, որ թղթի և թանաքի պակասի խնդիրը լուծելու համար անհրաժեշտ է ապրանքի մասին ավելի քիչ տեղեկատվություն տալ փաթեթավորման վրա: Ավելի վաղ հաղորդվել էր, որ թղթե փաթեթավորման Եվրոպայի խոշորագույն արտադրողը հեռանում է Ռուսաստանի Դաշնությունից։
Տաթև Ֆռանգյան
