19.08.2026 | 20:54
Վարորդական չեք ստանա, եթե ավտոդպրոց չգնաք․ ՆԳՆ-ն մտադիր է նոր կանոններ սահմանել. ՏԵՍԱՆՅՈՒԹ
Շրի Լանկայում ցուցարարները ներխուժել են վարչապետի գրասենյակ
Քաղաքականություն
13.07.2022 | 15:15
Կոլոմբոյում ցուցարարները ներխուժել են Շրի Լանկայի վարչապետ Ռանիլ Վիկրամասինգեի գրասենյակ։ Այս մասին հայտնում է ՌԻԱ Նովոստիի թղթակիցը։ Անվտանգության ուժերը փորձել են կանխել հարձակումը, բայց, ըստ ականատեսների, ոչ այնքան մեծ ակտիվությամբ, թեև արցունքաբեր գազ են կիրառել, ինչից նույնիսկ մի քանի ցուցարարներ են վիրավորվել։ Վարչապետի աշխատակազմի մոտ ջրցան մեքենաներ են եղել, սակայն իրավապահները չեն համարձակվել դրանք կիրառել։
Ցուցարարները կարճ ժամանակով նաև գրավել են ազգային հեռուստատեսային կորպորացիան և ելույթ են ունեցել ուղիղ եթերում, գրում են տեղական լրատվամիջոցները։ Դրանից հետո հեռուստատեսային կորպորացիան կարճ ժամանակով դադարեցրել է հեռարձակումը։
Տաթև Ֆռանգյան
