21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Եվրոպական տիեզերական գործակալությունը դադարեցնում է համագործակցությունը «Ռոսկոսմոսի» հետ
Քաղաքականություն
13.07.2022 | 20:28
Եվրոպական տիեզերական գործակալությունը (ESA) դադարեցնում է համագործակցությունը «Ռոսկոսմոսի» հետ ExoMars նախագծի շրջանակներում, հայտարարել է կազմակերպության գործադիր տնօրեն Յոզեֆ Ասշբախերը, գրում է VOA-ն։
«Հանգամանքները, որոնք հանգեցրել են դրան, ուկրաինական հակամարտությունն է և այդ կապակցությամբ ընդունված պատժամիջոցները»,- պարզաբանել է նա։
Ի պատասխան՝ «Ռոսկոսմոսի» գործադիր տնօրեն Դմիտրի Ռոգոզինը խոստացել է հանձնարարել Միջազգային տիեզերակայանի ռուս անձնակազմին նույնպես դադարեցնել աշխատանքը ESA-ի հետ։ Բացի այդ, «Ռոսկոսմոսի» մամուլի ծառայությունը հայտարարել է, որ Ռուսաստանը կարող է ինքնուրույն իրականացնել ExoMars նախագծի սեփական մասը կամ դրանում ներգրավել «բարեկամական» երկրների գործընկերներին։
ExoMars-ը ESA-ի և «Ռոսկոսմոսի» համատեղ առաքելությունն է՝ ուսումնասիրելու Մարսը: Ծրագրի շրջանակներում առաջին տիեզերանավը արձակվել է 2016 թվականին Բայկոնուր տիեզերակայանից Proton-M արձակման մեքենայի միջոցով: Առաքելության նոր մասի շրջանակներում ռուսական «Կազաչոկ» վայրէջքային հարթակը պետք է Մարս հասցներ եվրոպական «Ռոզալինդ Ֆրանկլին» մարսագնացը։
Տաթև Ֆռանգյան
